Voices of Sorrow
suav txij li thaum lub teb chaws ntxeev
vaj pov tau tso looj ceeb khiav tawm nplog teb mus lawm
phaj thiab laj los kav lub teb chaws
hmoob nplog pub thawj tau txais txoj kev nyob txom nyem
nplog liab ua phem zuj zus rau hmoob
sau sev lia tej qoob loo nrhiav txim rau cov txawj ntse
cov neeg zoo raug ntes thoob nplog teb
tseg poj tub sev ua ntsuag txiv mus lawm ntsiag to
haiv neeg nplog tau kev quaj nyiav
thiab cov poj niam mi nyuam mus nyob hav zoo
tseg tais mov nplej mus noj nplooj hmab nplooj ntoo
nrog nas nrog noog ua neeg tiv tshav tiv nag
nyob tsis taus khiav raws nom tswv qab
nplog Liab lub siab txia ntshav raws tua txhua lub roob hav
peb cov hmoob ploj tuag suav tsis tag
qab roob qab hav tshuav tej pob txha nyob dawb vog
haiv neeg nplog tau kev quaj nyiav
cov poj niam mi nyuam mus nyob hav zoo
tseg tais mov nplej mus noj nplooj hmab nplooj ntoo
nrog nas nrog noog ua neeg tiv tshav tiv nag
khiav tsis dhau poob rau rov tom qab
los mus ris asmelikas lub txim ua tsov ua rog
npaum no xyoo ntiaj teb koj puas pom
tias daim av nplog tseem tshuav leej twg nyob hauv no
tias daim av nplog tseem tshuav leej twg nyob hauv no
tias daim av nplog tseem tshuav kuv nyob rau hauv no
No comments:
Post a Comment